Blogg sem ég fann, það nýjasta síðan vorið 2007

20.5.05

selma
Það var tilfinningaþrungið andúmsloft í heita pottinum í morgun. Þar sat ég ásamt fjórum hárgreiðslukonum sem tjáðu sig með tilþrifum um skandalinn : Selma dottin út ! - þær voru mjög reiðar yfir búningnum, sem þær líktu ýmist við nærföt frá viktoríutímabilinu eða vitlaust saumaðan slökkviliðsbúning, hárgreiðslan var ekki heldur alveg að gera sig og þegar dansararnir lögðust í gólfið- þá var það búið, sagði ein. Ég tók fullan þátt í dramatískum umræðunum enda alveg grautfúl yfir þessu, ég sem er á leiðinni í júróvisjónpartý alla leið norður í Reykjarskóla í Hrútafirði....Það verður svipur hjá sjón að fylgjast með þessu þegar Selma er ekki með.
Ég sá ekki útsendinguna í gær, fór í leikhús að sjá Rambó 7 í þjóðleikhúsinu : Mæli með því , flott og nýstárlegt leikhús. (sum atriðin samt ekki við hæfi viðkvæmra), en fékk sms í hlénu með sorgarfréttunum um Selmu.
Hárgreiðslukonurnar hughreystu mig með því að það væri fullt af góðum lögum þarna í keppninni og partýið gæti alveg orðið gott. T.d. væri danski strákurinn rosa sætur og hárið á þeirri rúmönsku mjög flott ! Og þeir sem hafa gaman af að horfa á snotur brjóst eiga ekki eftir að láta sér leiðast samkvæmt einni sem sagði að sonur hennar hefði sérstaklega haft orð á almennri brjóstafegurð keppenda. Huggun harmi gegn ! Söngva- hvað ?
Annars bara allt með kyrrum kjörum....
saran....selmu svekkt......