Aumingja strákskottið á að fermast eftir 5 daga og lítur svona út ! Lýtaaðgerðin misheppnaðist gjörsamlega , hrukkurnar hurfu jú - en í staðinn kom hraun ! Pappamaukið varð kekkjótt eins og hver önnur sósa... grrrrrrrrr......
Ég er búin að þjösnast á honum með fínum sandpappír- en nei - ekkert gerist , allavega ekki nógu mikið... sem þýðir að ég verð að finna einhverja aðra lausn. Það vill mér til happs að ég er í góða skapinu þessa stundina... sem auðvitað er alveg út í hött - því með réttu ætti ég að vera að fara á taugum !?
Ermarnar á kirtlinum eru líka ein hraunbreiða eftir aðgerðina...
Þetta var líka dulítið sérkennilegur pappír sem ég sauð ... og undarlega langur tími sem það tók að sjóða hann. Mig bráðvantar svona heiðarlega pappírsstrimla úr tætara.. svona eins og eru á sumum skrifstofum, verða að vera ljósir og með lítilli prentsvertu, helst engri. Gæti komið sér vel fyrir mig að eiga svona cirka tvo stóra svarta plastpoka af slíku. Jamm.
.....................
Annars bara fuglar í brjósti og fiðrildi í maga.....
saran........í erfiðri pappamassa-áskorun....